Cinsi yolla keçən infeksiyalar və HPV
Cinsi yolla keçən infeksiyalar qonoreya, xlamidiya, ureaplazma, HIV, sifilis və hepatitlər kimi xəstəlikləri əhatə edir. Bəzən əlamətsiz, gizli gedir. Vaxtında aşkarlandıqda müalicə mümkündür; müalicə olunmadıqda isə prostata, xayalara və sperm daşıyan kanallara yayıla, gələcəkdə sonsuzluq riskini artıra bilər.
Nədir?
Cinsi yolla keçən infeksiyaların (qonoreya, xlamidiya, ureaplazma və s.) və HPV-yə bağlı genital ziyillərin diaqnoz və müalicəsi.
Kimlər üçün?
Sidik kanalından axıntı, sidikdə yanma, kanalda qaşıntı olan və ya risk faktoru olan kişilər üçün; partnyorla birlikdə.
Risklər?
Əlamətlərin öz-özünə azalması sağalma demək deyil. Evli şəxslərdə yalnız kişinin müalicəsi yetərli deyil — partnyor da müayinə olunmalıdır, əks halda təkrar yoluxma riski qalır.
Əlamətlər (adətən əlaqədən 2–7 gün sonra)
- Sidik kanalından axıntı
- Sidikdə yanma və göynəmə, kanalda qaşıntı
- Səhər kanal ucunda damla şəklində ifrazat
- Bəzən heç bir əlamət olmadan gizli gediş
Müalicə yanaşması
Müasir yanaşmada bəzi infeksiyalara səhər ilk sidik nümunəsində, ağrısız üsulla baxmaq mümkündür — xəstənin müayinədən yayınmaması üçün. Müalicə partnyorla birlikdə aparılır. HPV-yə bağlı genital ziyillərin müalicəsində üsul ziyillərin sayı və yerləşməsinə görə seçilir; həkim baxışı olmadan özbaşına yandırıcı vasitələrdən istifadə risklidir. Genital ziyillər utanılacaq deyil, müayinə olunacaq tibbi problemdir.
Digər xidmətlər