PSA-nı nə yüksəldə bilər?

PSA yalnız xərçəngdə deyil, bir sıra digər vəziyyətlərdə də yüksələ bilər. Ona görə nəticə həmişə müayinə ilə birlikdə qiymətləndirilir:

  • Xoşxassəli prostat böyüməsi
  • Prostatit (prostat iltihabı)
  • Prostat masajı və ya biopsiyadan sonra
  • Prostat əməliyyatı (TUR-P)

Neçə yaşdan sonra yoxlama vacibdir?

Prostat xərçəngi erkən mərhələdə çox vaxt heç bir şikayət vermir. 45–50 yaşdan sonra kişilərin ildə bir dəfə Total PSA analizi verməsi məsləhət görülür; risk faktorları olanlarda yoxlama daha erkən başlaya bilər.

PSA yüksəkdirsə nə etməli?

Yüksək PSA təkbaşına xərçəng demək deyil. Lakin dəyər yüksək olduqda, xüsusilə 4-dən yuxarı nəticələrdə, əlavə müayinə və biopsiya tələb oluna bilər. Uroloq nəticəni təkrar analiz, müayinə və lazım olduqda görüntüləmə ilə birlikdə qiymətləndirir.